ઘસી ઘસીને ઘણા સાફ તો કરેલા છે

ઘસી ઘસીને ઘણા સાફ તો કરેલા છે,
છતાં વિચાર અમારા હજુય મેલા છે.

દિશાના નામ ફક્ત સૂર્યથી પડેલાં છે,
ઘણાના સ્વપ્ન ઉગમણેય આથમેલાં છે.

નથી હું આપતો ક્યારેય મારું સરનામું,
અનેક પ્રશ્ન છતાં ઉંબરે ઊભેલા છે.

દિવસ ને રાત સતત આવજાવ ચાલુ છે,
આ કોના પ્રેમમાં શ્વાસો બધાય ઘેલા છે ?

ભલેને અટપટા સૌ દાખલા છે સંબંધો,
અહમને બાદ કરો તો જવાબ સહેલા છે.

– 

Advertisements

તું અને તારી વાતો પૃષ્ઠ – 14

તને સીધું કશું સમજાય નહીં ,
અને અનુવાદો પ્રણયમાં થાય નહીં…!!


તું અને તારી વાતો પૃષ્ઠ – 14


આમ તો મારી જીંદગી બહુ મજા ની છે એમા બીજુ શુ જોઈયે??
બસ પ્રેમ ના અઢી અક્ષર પુરા કરવા એક “તુ” જોઇયે


આવી રીતે તો મે કેટલાંય રવિવાર પસાર કરી નાંખ્યા !
પણ કસમથી તારી યાદની એકેય રજા પડવા નથી દીધી !


તું જ #મા ઈશ્વર જોવા ની મારી લાગણી અને હરપલ ઈશ્વર પાસે તારીજ માંગણી…..


બધા વૈદ થાકી ગયા અને હકીમો બધા હારી ગયા
તે મારી એક
મહેકતી ફૂંક ત્યાં સઘળા દર્દ દોટ મૂકી ભાગી ગયા …!💕


દિવસમાં મારી વાતોમાં તું..
સપનામાં મારી રાતોમાં તું..


જીંદગીએ આપેલા સેંકડો ગમનું મારણ મળે છે…
આપ છો તો ચહેરાને હસવાનું કારણ મળે છે….


તું છે એટલી બધી ઔસમ,
કે ના ગમે બીજી કોઈ મૌસમ…


કેટલીય મહેનત પછી હું તને બે ઘડી ભાળું,
તું જ બોલ પછી હું ખુદને કેમ કરી સંભાળું !!


ખબર નહી હોઠ થી હોઠ કેવી રીતે
લગાડી લેતા હશે લોકો,
મારી આંખો પણ તારી આંખો સાથે મળી જાય તો હોશ નથી રહેતો.


થાકી ગયો છું તને મનાવી મનાવીને !!
એક સપનું અધૂરું રહેશે એટલું જ ને !!


💞🍃💞સવા તું લખી દે સવા હું લખી દઉં..
ચાલ આજે ઈશ્ક ના અઢી અક્ષર નિર્દોષ લખી દઈએ..💞🍃💞


પ્રેમ માં તારા #EVM બની ગ્યો છું,
બટન કોઈ પણ દબાવું સરકાર તો તારીજ રચાઇ છે.


એ પુછે,
આટલું બધુ કેમ ચાહે છે મને.??
મે કહ્યું,
પ્રેમ ના સેતુ માં ક્યારેય
હેતુ નથી હોતા..!!


તું લડે તો ખોટું નથી, લાગતું
પણ વાત કરવાનું
બંધ કરી દે છે ત્યારે શ્વાસ રોકાય
જાય છે.


મારું દિલ #લોખંડ જેવું રાખીયુ હતું.
💓
મને ક્યાં ખબર હતી,
તમે #લોહચુબક નીકળશો?


લખતા લખતા દિલોને અડી બતાવીશું.
નસીબ જેમ વાળે એમ વળી વતાવીશું.


અમે જાણ્યું છે. પ્રેમ ઘણો ઊંડો કૂવો છે.
તમે જો હા પાડો તો અમે પડી બતાવીશું.


💖तेरा चेहरा , तेरी बातें , तेरी यादें …
इतनी दौलत पहले कहाँ थी पास मेरे !!💖


બધાંય ભુલાય જાય છે એક તારા વગર…..
તને ભૂલવા તો કાયદેસર શ્વાસ છોડવો પડશે….


હું જે સંવેદનાઓ લખું એતો વાંચે છે હૃદયથી… “તું”
પરંતુ….
જે લખી પણ નથી શકતો એ પણ વાંચી લેજે….થોડી ફૂરસદથી…. “તું”💕


 

પૃષ્ઠ – 12 – 13 – 1415 16

इस जहाँ से कब कोई बचकर गया

इस जहाँ से कब कोई बचकर गया
जो भी आया खाकें कुछ पत्थर गया l

मेरी कोशिश थी मेरी पगडी न जायें
बस इसी कोशिश में मेरा सर गया l

बेच डाला हमने कल अपना जमीर
जिन्दगी का आख़िरी जेवर गया l

दोस्तों का खौफ ही काफी है अब
मेरे दिलसे दुश्मनों का डर गया l

मैं कहाँ जाता वहीं बैठा रहा
हर कोई जब अपने अपने घर गया l

हम भी आख़िर सबके जैसे हो गए
रफ्ता रफ्ता अपना वो तेवर गया l

– राजेश रेड्डी

પંથને કાયમ ચરણની ખોજ હોવી જોઈએ

પંથને કાયમ ચરણની ખોજ હોવી જોઈએ,
મંઝિલો પણ રાહબર હો, તો જ હોવી જોઈએ.

જિંદગી દોઝખ ભરેલી હોય તો ચાલી જશે,
કમ-સે-કમ સપનામહીં તો મોજ હોવી જોઈએ.

રોજ ઊગી આથમે એ સૂર્યને કહેજો જરા,
ચાંદની મારા ઘરે દરરોજ હોવી જોઈએ.

કોઈ તો કારણ હશે એને વળાવી આ રીતે,
આ નદીઓ બાપને ઘર બોજ હોવી જોઈએ.

એક-બે સપનાં ઝઝૂમે કેટલું અહીં,
જીવવા માટે જરૂરી, ફોજ હોવી જોઈએ.

– 

વીતી જતો સમય છું વળાવી લે તું મને

વીતી જતો સમય છું વળાવી લે તું મને ;
હું ક્યાં કહું છું દિલમાં વસાવી લે તું મને.

ભૂતકાળ થઈ જવાની લગોલગ તો શું થયું ;
છું જ્યાં લગી, બને તો નભાવી લે તું મને.

સંભવ નથી છતાં એ હકીકત હું જાણું છું;
ધારે તો એક પળમાં મનાવી લે તું મને.

ઊભો છું તારે દ્વાર અરજ એટલી લઈ ;
યા હાથ દે યા હાથ બતાવી લે તું મને.

હો લાગણી તો સ્પષ્ટ તને પણ થવું રહ્યું ;
ચાલી નહીં શકું હું , ચલાવી લે તું મને.

લાવી શકે છે બોલ ઝલક વીતી કાલની?
તારું ગજુ નથી કે હસાવી લે તું મને.

હું આજ છું એ જાણ્યા પછી વાજબી નથી;
ગઈકાલ સમજી ભીંતે સજાવી લે તું મને.

બ્રુટસ સમાન જાણીતા ચહેરા છે આસપાસ ;
દુશ્મનને કહી રહ્યો છું બચાવી લે તું મને.

જો અંત દુર્દશાનો ન હો જિંદગી સુધી ;
 ની દુઆ છે ઉઠાવી લે તું મને.

– 

અશ્રુ સરતાં તું જે બોલ્યો એ બધું સાચું છે ?

અશ્રુ સરતાં તું જે બોલ્યો એ બધું સાચું છે ?
નેહ ઝરતાં તું જે બોલ્યો એ બધું સાચું છે ?

બુદબુદા જેવા હતા શબ્દ છતાં, કાગળની
નાવ તરતાં તું જે બોલ્યો એ બધું સાચું છે ?

તારી વાણીની ધ્રુજારી છે બહુ આકર્ષક,
સાવ ડરતાં તું જે બોલ્યો એ બધું સાચું છે ?

એ હતું હાથમાં તારા કે રહ્યો હોત તું મૌન,
એના કરતાં તું જે બોલ્યો એ બધું સાચું છે ?

કોઈ શીખે તારી પાસેથી કલા આ મોહક,
તારો ખરતાં તું જે બોલ્યો એ બધું સાચું છે ?

માનવા માટે હું મજબૂર બનું બસ એ ક્ષણે,
આંખ ફરતાં તું જે બોલ્યો એ બધું સાચું છે ?

તારી દીવાનગી લઈ જાશે તને ક્યાં ? છે ખબર ?
મને સ્મરતાં તું જે બોલ્યો એ બધું સાચું છે ?

ખુશ્બુમાં ખીલેલાં ફૂલ હતાં ઊર્મિમાં ડૂબેલા જામ હતાં

ખુશ્બુમાં ખીલેલાં ફૂલ હતાં ઊર્મિમાં ડૂબેલા જામ હતાં,
શું આંસુનો ભૂતકાળ હતો-શું આંસુનાં પણ નામ હતાં.

થોડીક શિકાયત કરવીતી થોડાક ખુલાસા કરવાતા,
ઓ મોત જરા રોકાઈ જતે- બેચાર મને પણ કામ હતા.

હું ચાંદની રાતે નીકળ્યોતો ને મારી સફર ચર્ચાઈ ગઈ,
કઈં મંઝીલ પણ મશહુર હતી-કઈં રસ્તા પણ બદનામ હતા.

જીવનની સમી સાંજે મારે જખ્મોની યાદી જોવીતી,
બહુ ઓછા પાનાં જોઈ શક્યો-બહુ અંગત અંગત નામ હતાં.

પેલા ખૂણે બેઠા છે એ ‘’ છે મિત્રો જાણો છો?!
કેવો ચંચળ જીવ હતો ને કેવા રમતા રામ હતા!

– 

હો ભીડમાં જ સારૂં, બધામાં ભળી જવાય

હો ભીડમાં જ સારૂં, બધામાં ભળી જવાય,
એકાંતમાં તો જાતને સામે મળી જવાય;

સામે મળી જવાય તો બીજું તો કંઈ નહીં,
પણ કેમ છો કહીને ન પાછા વળી જવાય.

સામાં મળ્યાં તો એમની નજરો ઢળી ગઈ,
રસ્તા મહીં જ આજ તો મંઝીલ મળી ગઈ.

સાચે જ મીણ જેવી હતી મારી જીંદગી,
દુઃખનો જરાક તાપ પડ્યો ઓગળી ગઈ.

મારાથી તોય આંસું વધુ ખુશનસીબ છે,
જેને તમારી આંખમાં જગ્યા મળી ગઈ.

કહેતી ફરે છે બાગમાં એક-એક ફૂલને,
તુજ આગમનની વાત હવા સાંભળી ગઈ.

’ ઘરેથી નીકળ્યો મિત્રોને શોધવા,
ઓ દુશ્મની તું રાહમાં ક્યાંથી મળી ગઇ?

–  

દરિયો તરી ગયાનો અફસોસ આજ પણ છે

દરિયો તરી ગયાનો અફસોસ આજ પણ છે,
કાંઠે ડૂબી ગયાનો અફસોસ આજ પણ છે.

નૌકાને કાળજીથી મેં સાચવી ન જાણી,
છિદ્રો પડી ગયાનો અફસોસ આજ પણ છે.

ઇંધણ થયો છું લીલાકુંજાર ઝાડ માંથી,
પર્ણો ખરી ગયાનો અફસોસ આજ પણ છે.

પકડીને કેદમાં તું પટકી દે ચાલ પાછો,
મુક્તિ મળી ગયાનો અફસોસ આજ પણ છે.

તૂટી જરા જ્યાં એક પાળ મૌનસરની,
શબ્દો વહી ગયાનો અફસોસ આજ પણ છે.

– 

તું અને તારી વાતો પૃષ્ઠ – 13

કેવી સુંદર છે પ્રેમની પરિભાષા,
હું શબ્દ ને તું અર્થ, તારા વગર હું વ્યર્થ.


તું અને તારી વાતો પૃષ્ઠ – 13


તારા તરફથી થાય જો એકરાર તો ગમે,
વ્યવહાર રૂપે પણ મળે જો પ્યાર તો ગમે,
એવા વળાંકે આપણે આવી ઊભા રહ્યાં-
રસ્તો અહીંથી થાય ગોળાકાર તો ગમે !!


ઉડીને આંખે વળગે ને આંખેથી ગાલ પર વહે,
ટકે નહીં ક્યાંયે છતાંયે દિલમાં તો તું જ રહે..!❤


મને ‘તમે’ નઈ ‘તુ’ કઈ ને બોલાવ,
જો ‘હુ’ અને ‘તુ’ હૈશુ તોજ “આપણે” થૈશુ…


ગમે તેવી હોળી કરુ તારી યાદોની…
તોય પ્રહલાદ ની જેમ હેમખેમ નિકળે છે…!


તુ મારી જીદ નથી જે પૂરી થવી જરૂરી છે…
તુ મારો ભરોસો છે જે જીવવા માટે કાફી છે….❤


ઓળખાણ ક્યા હતી તમારી ને મારી…
આતો કુદરતે એકબીજા ને ભલામણ કરી…😂


સાંજ એટલે તારી ને મારી બેઉ ની કરેલી ભૂલો નો
સામસામે ઉડતો છેદ….


निगाहें सब पर जाती हैं,
बस आँखे एक तुम्ही को ढूँढती हैं..


हर रोज़ हर वक्त तेरा ही ख्याल,
न जाने किस कर्जे की किश्त हो तुम !!


તારા વગર હું
એટલે……,
એક પણ અક્ષર વગરની આખી નવલકથા.😢


એકાદ ક્ષણ પણ તારું આવી મળી જવું..
ખાસ્સું ગમ્યું એ શ્વાસ માં પાછું ભળી જવું..!!


તારા સુધી પહોંચવા રસ્તા ઘણાં હશે,
પણ તને યાદ રહી જાય એવા પગલાં મારા જ હશે.


તારો સાત જન્મનો સાથ માંગવા કરતાં…
આ જન્મમાં…
સાત જનમનું જીવી લેવું છે તારી સાથે..!!


તારી આગળ બેસી તને કાગળ લખુ..
જરા નજર મિલાવે તો આગળ લખુ..💞


વર્ષોથી આમ ગોળ ગોળ ભમું છું,
એક વાર તો કહી દે કે હું તને ગમું છું.💞


ચાલ પ્રેમ નો ચોપાટ બિછાવી દઉં,
જીવન નો દાવ લગાવી દઉં
*
પાસા પણ તારા, દોસ્ત
ને વારો પણ તારો.
*
શરત એટલી કે…
તું જીતે તો હું તારો
હું જીતુ તો તું મારો…


પ્રેમ એટ્લે
‘તારા હોવું” ની સ્થિતિ માં થી….
“તારા માં હોવું” ની અવસ્થા ..!!


નથી કરતો જો તને યાદ ભૂલે છે બધા મુજને,
ને હુ ભૂલુ છુ સૌને જયારે તારી યાદ આવે છે


તું અતિથી બનીને આવીજા ને ફરી,
મારે અને તિથીને કંઈ લેવા દેવા નથી !!


પૃષ્ઠ  11  12   131415